KABGAYI – Tariki 2 Kanama 2025, muri Oratoire Don Bosco Kabgayi hasojwe ku mugaragaro Shampiyona y’Imikino y’Abana n’urubyiruko mu Biruhuko, yateguwe na Don Bosco Kabgayi Football Training Center ku bufatanye na Oratoire Don Bosco Kabgayi.
Intego nyamukuru yari ugutoranya impano nshya, kurinda abana imyitwarire mibi mu gihe cy’ibiruhuko, no kubatoza indangagaciro zubaka binyuze muri siporo.
Shampiyona yitabiriwe n’amakipe y’abana bari mu byiciro bitanu hagendewe ku myaka: U8, U10, U13, U15 na U18. Imikino yagaragayemo ishyaka ridasanzwe, ubufatanye n’ubuhanga.
Dore amakipe yegukanye ibikombe:
U8: Rising Stars 2 – 1 Ushindi Sport Family
U10: Victory Kids (penaliti) vs Golden Talent
U13: Young Warriors (penaliti) 4 vs 2 Ushindi Sport Family
U15: Future Eagles 2 – 1 Future FC
U18: Don Bosco Warriors (penaliti) 4 vs 2Ushindi Sport Family
Jean Marie Ntwari, Umuyobozi wa Don Bosco Kabgayi Football Training Center, yashimye imyitwarire y’abana ndetse ashimangira ko siporo igomba gushingira ku myigire no ku kinyabupfura.
Yanagaragaje ko Oratoire Don Bosco Kabgayi ari ahantu hatanga amahirwe menshi yo kwidagadura no kwiga binyuze mu mikino itandukanye nka: football, basketball, volleyball, karate, acrobatics, orchestra, traditional dance, n’indi myidagaduro ifasha abana gukura neza.
Ubuyobozi bwashimiye abafatanyabikorwa bagize uruhare mu migendekere myiza y’iyi shampiyona, barimo:ZENITHO,Top Africa News,Alliance Catering Services,Befa Group Ltd,Fabson Image – Graphic Design,Ushindi Sport Family,AS Horizon na Children Empowerment Network – Rengera Umwana Club.
Twizeyimana Emmanuel, Umutoza Mukuru wa Centre, yemeza ko intego 95% z’iri rushanwa zagezweho.ati“Ubu ababyeyi baritabira, barumva akamaro ka siporo. Ibi biduha icyizere ko abana bafite impano bazazamuka neza mu buryo bw’umwuga.”
Nsekuye Bazile, umwe mu babyeyi bitabiriye, yashimye cyane imigendekere y’iri rushanwa n’uburyo abana bigishwa indangagaciro.
“Ndashimira ubuyobozi bwa Don Bosco Kabgayi Football Training Center. Twabonye imikino yuje ubuhanga, discipline n’ishyaka. Uburyo abana bitwaye butanga icyizere. Ibi ni ibintu tugomba gushyigikira nk’ababyeyi.”
Don Bosco Kabgayi Football Training Center imaze imyaka irenga 10 yubaka impano z’abana. Bamwe mu bayinyuzemo bamaze kugera ku rwego rwo gukina kinyamwuga mu cyiciro cya mbere n’icya kabiri mu Rwanda.
Iyi shampiyona mu biruhuko y’abana n’urubyiruko, yerekanye ko siporo ari inzira nyayo yo kubaka ubuzima, indangagaciro, no kuzamura impano z’urubyiruko.
Ukeneye amakuru arambuye kuri iyi gahunda cyangwa ibindi bikorwa bya Don Bosco Kabgayi Football Training Center, wahamagara: +250 780403938 cyangwa wandike kuri email: donboscokabgayiftc@gmail.com
About the Author
