Guhera tariki ya 16 Kanama 2025 haratangira Irushanwa ry’umupira w’amaguru mu bucukuzi bw’amabuye y’agaciro mu Rwanda ryateguwe na Sendika y’Abakora mu bucukuzi bwa Mine na Kariyeri mu Rwanda (REWU) ku bufatanye n’Ikigo cy’Ubucukuzi bw’Amabuye y’Agaciro, Peteroli na Gazi (RMB), Ishyirahamwe ry’Abacukuzi b’Amabuye y’Agaciro mu Rwanda (RMA), Ishyirahamwe ry’Amakoperative y’Ubucukuzi bw’Amabuye y’Agaciro mu Rwanda (FECOMIRWA), na Kumbuka Afrika.
Imikino ya mbere iteganyijwe gutangira ku ya 16 Kanama 2025. Iyi mikino ikazasozwa mu gihe cy’icyumweru cyahariwe ubucukuzi bw’amabuye y’agaciro mu 2025 mu Ukuboza.
Usibye imyidagaduro, iri rushanwa rifite akamaro ko kuba urubuga rukomeye rwo guteza imbere ibikorwa ubucukuzi, kumenyekanisha urwego rw’ubucukuzi bw’amabuye y’agaciro no gutanga ubukangurambaga ku buzima n’umutekano mu kazi k’ubucukuzi, kurengera ibidukikije n’ibindi
Intego ni ugushimangira ubufatanye hagati y’ibigo by’ubucukuzi bw’amabuye y’agaciro, abakozi mu by’ubucukuzi bw’amabuye y’agaciro, abafatanyabikorwa b’urwego, n’abaturage binyuze mu rurimi rusange rw’umupira w’amaguru.
About the Author
