{"id":1619,"date":"2025-08-27T18:31:40","date_gmt":"2025-08-27T18:31:40","guid":{"rendered":"https:\/\/inkuruzacu.rw\/?p=1619"},"modified":"2025-08-27T18:32:52","modified_gmt":"2025-08-27T18:32:52","slug":"ubushinjacyaha-bwasabiye-prof-omar-munyaneza-wayoboraga-wasac-group-gufungwa-iminsi-30-yagateganyo","status":"publish","type":"post","link":"https:\/\/inkuruzacu.rw\/?p=1619","title":{"rendered":"Ubushinjacyaha bwasabiye Prof. Munyaneza wayoboraga WASAC Group gufungwa iminsi 30 y\u2019agateganyo"},"content":{"rendered":"\n

Kuri uyu wa Gatatu tariki ya 27 Kanama 2025, Nibwo Ubushinjacyaha bwasabiye Prof. Omar Munyaneza wayoboraga WASAC Group gufungwa iminsi 30 y\u2019agateganyo bitewe nuko hari impamvu zikomeye zituma akekwaho ibyaha akurikiranyweho birimo gukoresha ububasha ahabwa n\u2019itegeko mu nyungu ze bwite.<\/em><\/strong><\/p>\n\n\n\n

Urubanza ku ifunga n\u2019ifungurwa ry\u2019agateganyo rwabaye kuri uyu wa 27 Kanama 2025 mu Rukiko rw\u2019Ibanze rwa Kicukiro, aho Ubushinjacyaha bwasabye Urukiko kwakira ikirego, rugategeka ko hari impamvu zikomeye zituma Prof. Munyaneza akekwaho ibyaha.<\/p>\n\n\n\n

Bwagaragaje ko Prof. Omar Munyaneza watawe muri yombi ku wa 7 Kanama 2025, bumukurikiranyeho ibyaha bibiri ari byo gukoresha ububasha ahabwa n\u2019itegeko mu nyungu ze bwite no gufata icyemezo gishingiye ku itonesha, ubucuti, urwango, ikimenyane cyangwa icyenewabo no gukoresha igitinyiro nkuko IGIHE dukesha iyi nkuru ibitangaza.<\/p>\n\n\n\n

Mu bigize icyaha Ubushinjacyaha bugaragaza ni uko Prof Munyaneza yagize uruhare mu guha akazi abanyeshuri 22 bari barangije muri Ines Ruhengeri na Kaminuza y\u2019u Rwanda kandi batakoze ibizamini by\u2019akazi.<\/p>\n\n\n\n

Bwagaragaje ko hari abakozi yahatiye kujya mu zabukuru kandi bo bari bacyiyumvamo imbaraga zo gukora kandi n\u2019imyaka yo kujya mu kiruhuko cy\u2019izabukuru iteganywa n\u2019itegeko ngo yari itaragera.<\/p>\n\n\n\n

Hari kandi kuba ngo yarahaye akazi uwitwa Mungwakuzwe Dieudonne amugira \u2018Executif assistant\u2019 we na Mujyambere Uwimbabazi Rosine wagizwe \u2018Messenger\u2019 kandi uwo mwanya utari uteganyijwe ku miterere y\u2019ikigo.<\/p>\n\n\n\n

Bwanavuze ko kandi uwo Mungwakuzwe yari amaze amezi 11 ahemberwa umwanya utari uwe, aho buvuga ko amafaranga yagombaga kuba yarahembwe harenzeho arenga miliyoni 20 Frw.<\/p>\n\n\n\n

Mu bindi Ubushinjacyaha bwagaragaje ko harimo kuba yarashatse abantu bo hanze ya WASAC Group mu gukoresha ibizamini by\u2019akazi mu buryo bunyuranyije n\u2019amategeko biganjemo abarimu muri Kaminuza y\u2019u Rwanda, hakaba na bimwe mu bibazo yiteguriraga ku giti cye.<\/p>\n\n\n\n

Bugaragaza ko mu ibazwa rye, Prof. Omar Munyaneza yiyemereye ko yazanye abantu bavuye hanze ya WASAC barimo abavandimwe be, inshuti ze kandi binyuranye n\u2019ibiteganywa ko abakozi ba WASAC ari bo batanga ibizamini cyangwa abandi bapiganwe.<\/p>\n\n\n\n

Ubushinjacyaha bwagaragaje ko bufite uburyo bugaragaza ko Omar Munyaneza yahamagaraga abo bakozi abasaba kujya mu kiruhuko cy\u2019izabukuru kandi bari batarageza imyaka 65 iteganywa n\u2019itegeko.<\/p>\n\n\n\n

Bunavuga ko hari abo yahamagaraga akababwira ko nibaramuka badasezeye ngo bashobora kuzirukanwa ngo kuko ikigo cyari mu mavugurura.<\/p>\n\n\n\n

Abahagarariye Ubushinjacyaha basabye ko yafungwa iminsi 30 y\u2019agateganyo kuko ari bwo buryo bwiza bwo gukomeza iperereza ataribangamiye cyangwa se akaba yakotsa igitutu abatangabuhamya bakaba bahindura imvugo.<\/p>\n\n\n\n

Prof. Omar Munyaneza we yavuze ko yinjiye muri WASAC asanga harimo ikintu cya Head hunting aho umuyobozi ashobora gufasha mu gushaka umukozi mu gihe abona yujuje ibisabwa bityo ko na we ari cyo yakoresheje ubwo uwitwa Mungwakuzwe yajyaga guhabwa akazi kandi ko habayeho gukora ibizamini abahawe akazi bakanabitsinda.<\/p>\n\n\n\n

Ku bijyanye n\u2019abanyeshuri bo muri Kaminuza bahawe akazi, Prof. Omar Munyaneza, yagaragaje ko WASAC isanganywe gahunda yo guteza imbere abanyeshuri bitwaye neza muri za Kaminuza \u2018Young Performer Graduates\u2019.<\/p>\n\n\n\n

Yanavuze ko hagiye habaho inama zemeza ko abo banyeshuri bahabwa akazi, abanyeshuri bakiriwe bahawe amasezerano y\u2019akazi kandi kubatoranya ngo ntabwo byakozwe n\u2019abo muri WASAC ahubwo urutonde rwatangwaga na Kaminuza.<\/p>\n\n\n\n

Ubushinjacyaha bwo buvuga ko ababona akazi muri WASAC bagomba kugapiganira bityo ibivugwa na Prof. Omar Munyaneza bitahabwa ishingiro.<\/p>\n\n\n\n

Prof Omar Munyaneza yanavuze ko ku bijyanye no gutegeka abakozi kujya mu kirihuko cy\u2019izabukuru, ntaho ahuririye nabyo ngo kuko ibyo bitegurirwa mu ishami rishinzwe abakozi atari we biri mu biganza nubwo Ubushinjacyaha bugaragaza ko yabibahatiraga.<\/p>\n\n\n\n

Yabwiye Urukiko rw\u2019Ibanze rwa Nyarugenge ko rwamurekura by\u2019agateganyo agakurikiranwa ari hanze kuko nta mpamvu zikomeye abona zituma akekwaho ibyaha akurikiranyweho.<\/p>\n\n\n\n

Yagaragaje ko yatanze n\u2019ingwate bityo ko mu gihe urukiko rwabibona ukundi rwagira ibyo rumutegeka kubahirizwa ariko agakurikiranwa adafunzwe ndetse ko adashobora kotsa igitutu abatangabuhamya, bityo ko yataha akazaburanishwa mu mizi adafunzwe.<\/p>\n\n\n\n

<\/p>\n","protected":false},"excerpt":{"rendered":"

Kuri uyu wa Gatatu tariki ya 27 Kanama 2025, Nibwo Ubushinjacyaha bwasabiye Prof. Omar Munyaneza wayoboraga WASAC Group<\/p>\n","protected":false},"author":1,"featured_media":1620,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[30,35,34],"tags":[],"class_list":["post-1619","post","type-post","status-publish","format-standard","has-post-thumbnail","hentry","category-amakuru","category-izicukumbuye","category-politiki-hanze"],"_links":{"self":[{"href":"https:\/\/inkuruzacu.rw\/index.php?rest_route=\/wp\/v2\/posts\/1619","targetHints":{"allow":["GET"]}}],"collection":[{"href":"https:\/\/inkuruzacu.rw\/index.php?rest_route=\/wp\/v2\/posts"}],"about":[{"href":"https:\/\/inkuruzacu.rw\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/inkuruzacu.rw\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/inkuruzacu.rw\/index.php?rest_route=%2Fwp%2Fv2%2Fcomments&post=1619"}],"version-history":[{"count":2,"href":"https:\/\/inkuruzacu.rw\/index.php?rest_route=\/wp\/v2\/posts\/1619\/revisions"}],"predecessor-version":[{"id":1622,"href":"https:\/\/inkuruzacu.rw\/index.php?rest_route=\/wp\/v2\/posts\/1619\/revisions\/1622"}],"wp:featuredmedia":[{"embeddable":true,"href":"https:\/\/inkuruzacu.rw\/index.php?rest_route=\/wp\/v2\/media\/1620"}],"wp:attachment":[{"href":"https:\/\/inkuruzacu.rw\/index.php?rest_route=%2Fwp%2Fv2%2Fmedia&parent=1619"}],"wp:term":[{"taxonomy":"category","embeddable":true,"href":"https:\/\/inkuruzacu.rw\/index.php?rest_route=%2Fwp%2Fv2%2Fcategories&post=1619"},{"taxonomy":"post_tag","embeddable":true,"href":"https:\/\/inkuruzacu.rw\/index.php?rest_route=%2Fwp%2Fv2%2Ftags&post=1619"}],"curies":[{"name":"wp","href":"https:\/\/api.w.org\/{rel}","templated":true}]}}